للمهتم بالتسجيل العقاري للشقق
هناك ٨ مسارات للتسجيل
هابدأ اوضحها حتي يمكن اختيار المسار المناسب لحالة العقار المراد تسجيله
المسار الاول :
تحقيق واقعه ماديه
نموذج رقم (١)
وده ينطبق علي العقود العرفيه اللي مضي عليها ٥ سنوات فأكثر
المطلوب من حضرتك مشوار للشهر العقاري التابع ليه العقار وتشتري من خزينهالشهر العقاري
١-النموذج رقم ١ تحقيق واقعه ماديه ب١٥٠ج
٢-الورق المؤمن لمشروع العقد المراد شهرة ب ١٠٠ج
بعد كده تروح الحي تطلب رخصة البناء اذا كانت بعد ٩٢/٦ او تطلب كشف عوايد للشقه المراد تسجيلها من الضرائب العقاريه بالحي
فاضل تكتب مشروع العقد المراد تسجيله علي الورق المؤمن اللي اشتريته من الخزنه بواسطة مامي ويعتمد من نقابة المحامين غالبا بتكلفه ١٠٠٠ج
وانت بيتك بقه تدخل علي بوابه الرفع المساحي وتعمل طلب من خلال الانترنت وتسجل فيه بيانات الشقه وهايقولولك تكلفته كذا طبق للمساحة ويدولك رقم مرجعي تدفع بيه التكلفه في فوري خلال ٤٨ ساعه من تمام التسجيل
علاوة علي ذلك تحضر صورة رقم قومي + اي مستندات تدل علي الحيازة ايصال كهرباء غاز مياه او صوره تعاقد علي ادخال المرافق
بعد كدة بتجمع جميع المستندات والوثائق دي بالنموذج رقم واحد وتسلمها للشهر العقاري لمراجعتها ودفع التكلفه في حدود ٣٩٥٠ج
وبتم اعطاء رقم وتنتظر ٣٧ يوم للانتهاء من الاجراءات
يتبع المسار الثاني 2
ليست هناك تعليقات:
إرسال تعليق