......الوكاله ........لما تعمل توكيل لمحامى او توكيل بيع شقه او توكيل بيع سياره او توكيل بصرف المعاش او توكيل بالتعامل مع البنوك أو المصالح الحكومية أو حتى توكيل رسمى عام فى كل ما تملك يجوز طبعا ومن حقك تلغى التوكيل ده فى اى وقت إنما خد بالك علشان تبقى فاهم انك لازم لما تلغى التوكيل تبعت للى انت عملتله التوكيل إعلان بإلغاء التوكيل ده ولازم يستلمه ..
طيب ولو ما استلمهوش ...؟ يبقى التوكيل سارى وصحيح واى إجراء يتعمل بالتوكيل صحيح ...
... وخلى بالك كمان من إلى جاااااى ... لو التوكيل اتكتب فيه عبارة لايجوز إلغاء التوكيل إلا بوجود الطرفين يبقى التوكيل مش هينفع يتلغى إلا لما تروحوا انتم الاتنين الشهر العقارى ويتلغى قدام إلى عملتله التوكيل ويمضى على كده ...
طيب ولو هو مش عايز يروح ؟؟ يبقى مش هيتلغى ولازم ترفع قضيه
..وفى حالة رفض الاستلام يعلنه المحضر إدارياً ... و يصبح منتج الأثر من الناحية القانونية
... علشان كده بنقول خلى بالكم وانتم بتعملو التوكيل من الحاجات البسيطه دى ... وخصوصا الناس إلى بتشترى من حد معاه توكيل لازم الأول تكشف على التوكيل وتاخد من البائع بالتوكيل إقرار أن موكله على قيد الحياه والتوكيل سارى وعلى مسئوليته ...
لأن التوكيل بينتهى بالوفاه ... خلى بالك اوى من النقطه دى ... حاجات بسيطه بس خلى بالك منها ...
وعلشان تكون قاعده إن اى توكيل بينشاء التزام او بيترتب عليه مصلحه لا يجوز الغاءه إلا بوجود الطرفين ...
...ويجب العلم أن التوكيلات انواع..
فالتوكيل العام القضايا ينتهي بوفاه احد طرفي او إلغاء من أحدهما
اما التوكيل الخاص بعمل محدد زي الاقرار مثلا بينتهي بانتهاء الغرض المخصص له.
اما بقي التوكيل الخاص بالبيع للنفس والغير دا توكيل ليه حماية قانونية معينه لحماية حقوق الغير فلا يجوز الغائه الا بحضور الطرفين
ولازم ناخد بالنا إن لو منصوص فيه انه يمتد للخلف العام والخاص فهو ساري حتي بعد وفاة احد اطرافة في مواجهة الورثه
..وايضا التوكيل لو رتب حقوق للغير لاينتهى بالوفاة
..طب لو التوكيل ضاع ولومثلا صادر من مكتب توثيق في محافظة وانا في محافظة أخري اعمل ايه؟
تعمل طلب صورة طبق الأصل من مكتب الشهر العقاري الصادر منه التوكيل .
#المحامي⚖️
ليست هناك تعليقات:
إرسال تعليق